Обзор мероприятий., Обзор мероприятий, проведенных Лидской районной библиотекой и филиалам Опции

[Admin]

Бяседа-дыялог “Любимцы бульваров, аллей и садов”

У Лідскай раённай бібліятэцы імя Янкі Купалы прайшло чарговае пасяджэнне клуба кветкаводаў-аматараў “Кветкавод”. Гэта была бяседа-дыялог “Любимцы бульваров, аллей и садов”. Вядучая расказала пра кветкі, якія пасаджаны на кветніках нашага горада. Прысутныя здзейснілі віртуальнае падарожжа па вуліцах і скверах Лідчыны і згадзіліся з прыгажосцю, якую ствараюць супрацоўнікі Лідскай жыллёва-камунальнай гаспадаркі. Бо нездарма 2025 год у нашай краіне аб’яўлены Годам добраўпарадкавання. Напрыканцы аматары-кветкаводы падзяліліся прыгажосцю на сваіх дачных агародах і прыдамавых тэрыторыях.

[Admin]

Электронная прэзентацыя “Бегущая по волнам”

Да 145-годдзя з дня нараджэння расійскага пісьменніка Аляксандра Грына 28 жніўня ў філіяле “Лідская гарадская бібліятэка №1” ладзілася электронная прэзентацыя яго кнігі “Бегущая по волнам” для навучэнцаў 6-га класа ДУА “Сярэдняя школа №6 г.Ліды імя М.Б.Куканенкі”. “Бегущая по волнам” – адзін з лепшых раманаў расійскага пісьменніка-рамантыка А.Грына. Гэта рамантычны, прыгодніцкі твор з элементамі дэтэктыва, казкі і фэнтазі. З прэзентацыі дзеці даведаліся, што “Бегущая по волнам” – такое імя носіць статуя, якая ўпрыгожвае цэнтральную плошчу горада і паруснік, на якім падарожнічае галоўны герой рамана. Прэзентацыя настолькі зацікавіла школьнікаў, што некаторыя з іх нават захацелі перачытаць гэты раман.

[Admin]

Святочная сустрэча “Зноў Спас нас віншуе ружовым ранетам”

Для ўдзельнікаў клуба “Надзея” да свята Пераўтварэння Гасподняга (Яблычнага Спаса) у філіяле “Лідская гарадская бібліятэка №6 імя В.Таўлая” была праведзена святочная сустрэча “Зноў Спас нас віншуе ружовым ранетам”. Жанчыны расказалі, што вера ў Бога ім дапамагае жыць, выхоўваць дзяцей і ўнукаў.

[Admin]

Фотакалаж “Лето книжных открытий”

Да Сусветнага дня фатаграфіі ў філіяле “Лідская гарадская бібліятэка №6 імя В.Таўлая” быў арганізаваны фотакалаж “Лето книжных открытий”. Наведвальнікам прапанавалі сфатаграфавацца з любімай кнігай. Чытачы з радасцю рабілі здымкі, дзеці расказвалі пра кнігі, якія яны прачыталі падчас летніх канікул.

[Admin]

Библиотечный обзор «Путешествие под книжными парусами А.Грина»

К 145-летию со дня рождения А.Грина в филиале «Лидская городская библиотека №2» состоялся библиотечный обзор «Путешествие под книжными парусами А.Грина». Библиотекарь рассказала о сложной и тяжёлой судьбе Александра Грина, о начале литературного пути и формировании уникального стиля писателя. Посетители прочитали отрывки из произведения А.Грина «Алые паруса». Алый парус – символ надежды, любви, жизнелюбия в память об удивительном человеке, о писателе, подарившем человечеству самобытные, пронзительно добрые книги. В конце мероприятия вниманию читателей была представлена выставка «К мечте на алых парусах».

[Admin]

Прэзентацыя кнігі “Паэтычнае сузор’е Лідчыны”

20 жніўня ў Лідскай раённай бібліятэцы імя Янкі Купалы ладзілася прэзентацыя кнігі краязнаўцы, настаўніка ДУА “Сярэдняя школа №11 г.Ліды” Наталлі Мікалаеўны Анашкевіч – “Паэтычнае сузор’е Лідчыны”. У сустрэчы прынялі ўдзел пісьменнікі і прыхільнікі паэзіі. Падчас гутаркі абмяркоўвалася новая кніга і гучалі віншаванні з надыходзячым святам мастацкага слова. Вельмі цікава Наталля Мікалаеўна расказала пра сумесную працу з вучнямі над даследчай работай “Феномен паэта і паэзіі ў творчай парадыгме літаратараў Лідчыны”, якая і паспрыяла выхаду новай кнігі. Гасцінная Лідская зямля 6-7 верасня 2025 года сустрэне гасцей на святкаванні ХХХІІ Дня беларускага пісьменства. Лідчына – край паэтаў і паэзіі. Ёй прысвячаюць вершы, песні, паэмы. Паэзія жыве ў кнігах, часопісах і, вядома, у душах людзей. Зборнік вершаў “Паэтычнае сузор’е Лідчыны” – гэта знак пашаны і павагі да нашых літаратараў, да нашых таленавітых землякоў. Пад адну вокладку кнігі трапілі звыш 200 паэтычных твораў 37 аўтараў. Гэта вершы на беларускай і рускай мовах. Кожны аўтар, нягледзячы на тое, што творы аб’яднаны агульнай тэмай, па-свойму выказвае сваё ўласнае стаўленне да паэта і паэзіі.

[Admin]

Інтэлектуальная гульня “Лідская раённая бібліятэка: рэсурсы, паслугі, магчымасці”

Лідскую раённую бібліятэку імя Янкі Купалы наведалі вучні 10-га класа ДУА “Сярэдняя школа №10 г.Ліды”. Для прысутных ладзілася інтэлектуальная гульня “Лідская раённая бібліятэка: рэсурсы, паслугі, магчымасці”. Спачатку вядучая расказала пра працу бібліятэкара ў кожнай зале: на абанеменце, у чытальнай зале і інтэрнэт-класе. Затым госці раздзяліліся на групы, кожная каманда атрымала заданне ў розных залах. І так усе вучні паспрабавалі свае сілы працы бібліятэкара ў кожнай зале. Усе былі вельмі задаволеныя.