Обзор мероприятий 2017г., Обзор мероприятий, проведенных Лидской районной библиотекой и филиалами в 2016 году. Опции

[Admin]

“Памяць пра Афганістан жыве”

16 лютага, да Дня памяці воінаў-інтэрнацыяналістаў, у Лідскай раённай бібліятэцы імя Янкі Купалы прайшоў вечар, прысвечаны гэтай даце. Прысутныя сабраліся, каб ушанаваць памяць нашых загінуўшых землякоў, сустрэцца з баявымі сябрамі і саслужыўцамі, успомніць хвіліны радасці і смутку. Звяртаючыся да маладога пакалення, воіны-афганцы заклікалі ганарыцца мужнасцю салдат і афіцэраў, іх вернасцю радзіме, і ніколі не забываць пра подзвіг у імя міру на Зямлі.

[Admin]

“Багата, родная ты мова”

Родная мова – гэта падмурак, на якім будуецца нацыя, яе культура, яе жыццё. Кожная мова – унікальная цывілізаваная з’ява, вартая жыцця, развіцця і захавання.
З 19 па 21 лютага ў філіялах ДУК “Лідская раённая бібліятэка імя Янкі Купалы” прайшлі агульнанацыянальныя дыктоўкі, прымеркаваныя да Міжнароднага дня роднай мовы.

Лідская раённая бібліятэка імя Янкі Купалы

Філіял Лідская гарадская бібліятэка № 6

Філіял Беліцкая сельская бібліятэка

Філіял Ходараўская сельская бібліятэка

[Admin]

“Дзень Святога Валянціна”

12 лютага карыстальнікаў філіяла “Дварышчанская сельская бібліятэка” запрасілі на літаратурна-музычная кампазіцыю “Няма, напэўна, горай пакарання, калі не свеціць над табой каханне”, прымеркаваную да Дня Святога Валянціна. У выкананні навучэнцаў Дварышчанскай музычнай школы прагучалі п’есы “Чаму ж мне не пець”, “Санаціна”, “Маленькая полька”.

[Admin]

“Дзівосны свет культуры”

У рамках Года культуры 13 лютага ў філіяле “Інтэграваная бібліятэка аграгарадка Бердаўка» прайшоў вечар “Да душы сваёй знайдзі дарогу”, на якім юныя чытачы пазнаёміліся з тэрмінамі “культура”, “культурны чалавек”, з музамі – заступнікамі культуры, прынялі ўдзел у віктарыне “Культура нашай краіны”.

[Admin]

«Любить искусство в себе, а не себя в искусстве – кредо жизни Вероники Риш–Швец»

11 февраля в филиале «Лидская городская библиотека № 4» прошла встреча с профессиональным музыкантом – пианисткой и композитором, а также талантливой художницей и нашей соотечественницей Вероникой Риш-Швец под названием «Лучи любви». Во время встречи Вероника Риш-Швец поделилась с читателями своими эмоциями, чувствами и идеями, которые посещают и вдохновляют талантливого человека во время творчества. В исполнении преподавателей, учащихся Лидской музыкальной школы и Лидского музыкального колледжа прозвучали музыкальные произведения автора. В библиотеке была организована выставка картин Вероники Риш-Швец.

[Admin]

“Дзень спецыяліста на Лідчыне”

10 лютага ў Лідскай раённай бібліятэцы імя Янкі Купалы адбыўся Дзень спецыяліста “Інфармацыйныя веды як адлюстраванне мінулага і сучаснага Лідчыны” , з удзелам кіраўнікоў і спецыялістаў ДУ “Лідскі гісторыка-мастацкі музей”, Цэнтра рамёстваў і традыцыйнай культуры “Спадчына”, Дзяржаўнага занальнага архіва, УПП “Лідская друкарня”, Лідскага тэлерадыёаб’яднання, грамадска-палітычнага выдання “Лідская газета”, краязнаўчага, гісторычна-літаратурнага часопіса “Лідскі летапісец”, літаратурнага аб’яднання пры “Лідскай газеце” “Суквецце”. З лекцыяй перад прысутнымі выступіў малодшы навуковы супрацоўнік інстытута гісторыі Акадэміі навук Кірыл Сыцько. Спецыялісты абмеркавалі сваю дзейнасць, падзяліліся вопытам і адкрылі новыя гарызонты сваёй працы.

[Admin]

“Летапісец Палескай зямлі”

8 лютага ў філіяле “Лідская гарадская бібліятэка № 6 імя В.Таўлая” адбылася літаратурная гасцёўня “А на зямлі яго не згасне свет”, прымеркаваная да 95-годдзя з дня нараджэння празаіка, паэта, публіцыста, драматурга, народнага пісьменніка Беларусі Івана Паўлавіча Мележа. Падчас мерапрыемства адбылася прэзентацыя аднайменнай выставы, прысвечаная пісьменніку. Сваімі ўражаннямі пра сустрэчу з Іванам Мележам дзялілася Владзес Алена Канстанцінаўна, былая настаўніца СШ № 10.