Обзор мероприятий., Обзор мероприятий, проведенных Лидской районной библиотекой и филиалам Опции

[Admin]

Конкурс чытачоў твораў на беларускай мове “Роднай мовы пералівы”

Для людзей пажылога ўзросту супрацоўнікі Лідскай раённай бібліятэкі імя Я.Купалы ладзілі конкурс чытачоў твораў на беларускай мове “Роднай мовы пералівы”, прысвечаны Міжнароднаму дню роднай мовы. Спачатку прысутныя пачулі гісторыю ўзнікнення беларускай мовы, як людзі гаварылі ў 30-я гады ХХ стагоддзя, калі Заходняя Беларусь была пад Польшай і як гэта сказалася на маўленні на беларускай мове ў далейшы час. Затым госці атрымалі лісты з надрукаваным тэкстам на беларускай мове з баек пісьменнікаў Кандрата Крапівы і Янкі Купалы, бо жанр байкі найбольш блізка адлюстроўвае нашу мову.

[Admin]

У Лідскай раённай бібліятэцы імя Янкі Купалы прайшла 18-я агульнанацыянальная дыктоўка. Музычны сімвал суверэннай Беларусі – Дзяржаўны гімн – сёння ўспрымаецца як нешта велічнае і непарушнае. Менавіта ён стаў пачаткам мерапрыемства. Удзел у ёй прынялі студэнты Лідскага каледжа УА ГрДзУ імя Янкі Купалы. Агульнанацыянальная дыктоўка “Гучы, роднае слова!”, якую правяла намеснік дырэктара раённай бібліятэкі Алена Быстрыцкая, была прысвечана знакавай падзеі 2025 года для г.Ліды – ХХХІІ Дню беларускага пісьментва. Тэкстам да напісання стаў урывак з твора Анатоля Клышкі “Як да нас прыйшла кніга”. Прыемна адзначыць, што ўсе удзельнікі мерапрыемства паказалі моцныя веды.

[Admin]

Інтэлектуальная гульня “Слова роднае, жывое, гаворкае!”

Да Дня роднай мовы ў філіяле “Дзітвянская сельская бібліятэка” была наладжана інтэлектуальная гульня “Слова роднае, жывое, гаворкае!”. Дзеці, удзельнікі гульні, адгадвалі па прыкметах і называлі прадметы, з’явы, жывых істот на беларускай мове. Далей гульня працягнулася цікавымі конкурсамі – “Перакладчык”, “Тлумачым”, “Беларускія прыказкі” і інш. Гульнявое мерапрыемства прайшло з карысцю – дапамагло замацаваць веды дзяцей аб мове, пашырыла слоўнікавы запас і паказала разнастайнасць і багацце роднай мовы.

[Admin]

Літаратурны куфэрак “Краіна беларускага слова”

Да Міжнароднага дня роднай мовы ў філіяле “Лідская гарадская дзіцячая бібліятэка” вучні ДУА “СШ №16 г.Ліды” пабывалі на літаратурным куфэрку “Краіна беларускага слова”. Дзеці пазнаёміліся со словам “казка”, даведаліся, якія жанры казак бываюць. Хлопчыкі і дзяўчынкі называлі беларускія творы, якія ўжо чыталі і актыўна праявілі сябя ў гульнях “Беларускія скараговоркі”, “Перакладчыкі” і “Жыхары леса Беларусі”. Дзеці з задавальненнем паслухалі беларускую народную казку “Як курачка пеўніка ратавала” і выканалі па ёй цікавыя заданні.

[Admin]

Інтэлектуальная гульня “Чароўная скарбонка роднага слова!”

20 лютага ў філіял “Лідская гарадская бібліятэка №2” былі запрошаны ўдзельнікі клуба “Буслік” на інтэлектуальную гульню “Чароўная скарбонка роднага слова!”, прысвечаную Міжнароднаму дню роднай мовы. Навучэнцы пазнаёміліся з гісторыяй свята, праверылі свае веды па культуры, гісторыі і літаратуры Беларусі, адказваючы на пытанні віктарыны; прымалі ўдзел у конкурсе “Працягні прымаўку”, дзе павінны былі назваць працяг, а таксама патлучамыць сэнс прымаўкі. Таксама праслухалі цікавыя факты пра беларускую мову, паспрабавалі перакласці рускія словы. Падчас марапрыемства самыя актыўныя ўдзельнікі атрымлівалі жэтоны за правільныя адказы.

[Admin]

Экскурсія “Дом, дзе жывуць кнігі”

На экскурсію “Дом, дзе жывуць кнігі” у філіял “Лідская гарадская бібліятэка №6 імя В. Таўлая” завіталі вучні пачатковых класаў СШ №16. Бібліятэкары пазнаёмілі з дзіцячым фондам, правіламі карыстання бібліятэкай.

[Admin]

Отгадай-шоу «Сказочное лукошко»

В филиале «Лидская городская библиотека №4» первоклассники ГУО «Средняя школа №11» побывали на отгадай-шоу «Сказочное лукошко», где они с интересом и азартом участвовали в викторине, шуточных вопросах. Проявили смекалку в конкурсах: «Сказки перепутались», «Добрые и злые герои», «Вспомни имя». Ребята разгадывали загадки в стихотворной форме, были активны и эмоциональны в узнавании сказочных предметов, вспоминали сказки и сказочных героев. Детям очень понравилось путешествие в мир сказок, они получили заряд энергии, позитива, положительные эмоции.