Обзор мероприятий., Обзор мероприятий, проведенных Лидской районной библиотекой и филиалам Опции

[Admin]

Штогод 23 лютага ў нашай краіне адзначаецца Дзень абаронцаў Айчыны і Узброеных Сіл Рэспублікі Беларусь. Гэта свята, устаноўленае Указам Прэзідэнта Рэспублікі Беларусь, па праве лічыцца ўсенародным. Гэта памяць мужнасці і гераізму ўсіх пакаленняў абаронцаў Айчыны, якія абаранялі незалежнасць роднай зямлі.
Па традыцыі ў гэты дзень у філіяле “Лідская гарадская бібліятэка №1”прайшоў урок мужнасці “Есть такаяпрофессия – Родину защищать”з навучэнцамі 5-га класа ДУА “Сярэдняя школа №6 г.Ліда імя Н.Б.Куканенкі”. Падча гутаркі з бібліятэкарам школьнікі аддалі даніну павагі тым, хто мужна змагаўся, абараняючы Айчыну, і тым, на каго ў мірны час ускладзена нялёгкая і адказная служба па абароне Радзімы. Пагаварылі і пра мірныя, але вялікія подзвігі мужнасці – успомнілі Героя Беларусі Н.Б. Куканенка, імя якого носіць школа, у якой рабяты навучаюцца.

[Admin]

Да Міжнароднага дня роднай мовы была праведзена літаратурная гасцёўня “Любім і ведаем родную мову” у філіяле “Лідская гарадская бібліятэка №6”. На свята роднай мовы завіталі людзі розных прафесій і ўзросту, шмат было людзей, якія скончылі школу сорак і больш гадоў. Для прысутных у гэтым годзе была прапанавана дыктоўка – урывак з рамана “Векапомныя дні”.Пасля напісання дыктоўкі ўдзельнікі выразілі жаданне пачытаць вершы на роднай мове. Для прысутных быў арганізаваны стол з гарбатай з беларускіх траў і салодкімі пачастункамі.

[Admin]

21 лютага у Міждународны дзень роднай мовыў філіяле “Лідская гарадская бібліятэка№4” адбыўся турнір знаўцаў роднай мовы “Знаёмая мова, чароўны радок!” суместна з аддзяленнем сацыяльнай рэабілітацыі, абілітацыі інвалідаў ГУ “ЛРТЦСАН” у рамках сацыяльнага праекта “Мир один на всех”. З цікавасцю прысутныя слухалі гісторыю заснавання Міжнароднага дня роднай мовы,удзельнічалі ў перакладзе слоў,адказвалі на пытанні віктарыны “Знатакі роднай мовы”, дэкламіравалі прыгожыя беларускія вершы, зачытваючы ўрыўкі з твораў беларускай літаратурнай спадчыны. Да мерапрыемства была падрыхтавана кніжная выстава “Рускай мове дай разгрузку: размаўляй па-беларуску”.

[Admin]

“ Люблю цябе, зямлі бацькоўскай слова” – пад такой назвай 21 лютага ў філіяле “Лідская гарадская бібліятэка №1” прайшоў урок беларусазнаўства, прысвечаны дню роднай мовы. Хлопчыкі і дзяўчынкі ДУА”Дзіцячы сад №7 г.Ліды” слухалі вершы на беларускай мове, адгадвалі загадкі, расказвалі прыказкі і прымаўкі, удзельнічалі ў віктарынах, здзейснілі падарожжа ў гісторыю Міжнароднага дня роднай мовы. Асаблівую ўвагу наведвальнікаў бібліятэкары звярнулі на кніжную выставу “З легендаў і казак… ты выткана, родная мова!”, якая раскрыла юным чытачам асаблівасці беларускай мовы і яе паходжання. Менавіта ў мове захавана гісторыя нашага народа, моц і прыгажосць народнага слова.

[Admin]

21 лютага ў Лідскай раённай бібліятэке імя Янкі Купалы прайшла Рэспубліканская дыктоўка, прымеркаваная да Міжнароднага дня роднай мовы і 80-годдзя вызвалення Беларусі ад нямецка-фашысцкіх захопнікаў.
Паспрабаваць свае сілы ў валоданні нормамі беларускага правапісу, адчуць смак роднай мовы вырашылі каля 30 чалавек. Удзельнікі пісалі тэкст аднаго з артыкулаў з “Лідскай газеты” пра вызваленне Ліды. Дыктоўка была прадыктавана намеснікам дырэктара Лідскай раённай бібліятэкі імя Янкі Купалы Аленай Быстрыцкай.
Да мерапрыемства была падрыхтавана кніжная выстава “Чароўныя гукі роднай мовы”. Тут прадстаўлены толькі новыя выданні, якія разложаны на абрусе, які ўвабраў у сябе ўсю прыгажосць роднага краю і цяпло мацярынскіх далоняў. Аб чым пішуць сучасныя беларускія празаікі, якія хвалююць іх тэмы і праблемы рассказала галоўны бібліёграф Галіна Курбыка ў аглядзе “Новыя кнігі. Новыя імёны”. Да щвагі удзельнікаў былі прапанаваны наступныя кнігі Анатоля Бензярука “Галавасек”, Алёны Беланожкі «Зорка Ракхігархі», Ула¬дзі¬мір Ма¬жы¬лоў¬скі “Праклён мітрапаліта Феафіла”, Віктара Кунцэвіча “Калі чужая душа — твая” і іншыя.
Вядома, што мова забяспечвае непарыўную сувязь паміж мінулым, сапраўдным і будучым. Таму мы будзем і далей папулярызаваць роднае слова і памогуць нам у гэтым менавіта беларускія кнігі.

[Admin]

З мэтай абуджэння цікавасці да беларускай мовы і літаратуры, выхавання пачуцця гонару за родную мову і паважлівых адносін да яе ў філіяле “Інтэграваная бібліятэка агр. Крупава” прайшла гадзіна роднай мовы “У родным слове – цэлы свет”. Разам з бібліятэкарам школьнікі ўзгадалі паходжанне роднай мовы і паразважалі аб яе выкарыстанні ў сучаснасці, пазнаёміліся з лепшымі творамі класікаў і сучасных аўтараў беларускай літаратуры, успомнілі беларускія прыказкі і прымаўкі, загадкі і жарты. А таксама пачыталі вершы на роднай мове. На прыканцы з задавальненнем узялі кнігі дамоў з аднаіменнай выставы.

[Admin]

Бібліятэкар філіяла “Інтэграваная бібліятэка агр. Дворышча” была запрошана для правядзення дыктоўкі для вучняў 9 класа ДУА “Дварышчанская СШ” у Міжнародны дзень роднай мовы. Тэкстам для напісання быў выбраны ўрывак з твора В.Быкава “Знак бяды” і быў прыўрочаны да 80-годдзя з дня вызвалення Рэспублікі Беларусь ад нямецка-фашысцкіх захопнікаў.