Обзор мероприятий., Обзор мероприятий, проведенных Лидской районной библиотекой и филиалам Опции

[Admin]

Гадзіна прававой інфармацыі “Правы чалавека – клопат дзяржавы”

У філіяле “Лідская гарадская бібліятэка №2”ладзілі гадзіну прававой інфармацыі “Правы чалавека – клопат дзяржавы” з мэтай сфарміраваць у навучэнцаў адмоўныя адносіны да процівапраўных учынкаў, пабудзіць да абароны сваіх правоў і выкананне абавязкаў. Мерапрыемства было падзелена на часткі, дзе вызначалі змест паняццяў “правы” і “абавязкі”. Падчас сустрэчы з дзецьмі супрацоўнікі філіяла правялі інтэрактыўную гутарку “Права на імя”, міні-лекцыю “Канвенцыя аб тваіх правах”, арганізавалі ралявую гульню “Юрыдычная кансультацыя”.Скончылася гадзіна бліц-апытаннем “Я і мае правы”.

[Admin]

Літаратурная гасцёўня“І стаў ты вечнай славай Беларусі, яе красы чароўным песняром”

16 снежня ў філіяле “Лідская гарадская бібліятэка №1” для вучняў сярэдняга школьнагаўзростуДУА “Сярэдняя школа №6 г.Ліда” ладзілася літаратурная гасцёўня “І стаў ты вечнай славай Беларусі, яе красы чароўным песняром”, прысвечаная да дня нараджэння Максіма Багдановіча. Дзякуючы мерапрыемству дзецібольш падрабязна пазнаёміліся з жыццём і творчасцю класіка беларускай літаратуры, паслухалі яго паэтычныя творы, пакладзеныя на музыку, адказалі на пытанні віктарыны па творчасціпаэта. Праз мультымедыйную прэзентацыю дэманстраваліся фотаздымкі дзіцячых і юнацкіх гадоў Максіма Багдановіча, праз тэматычную выставу – зборнікі “Вянок”, “Шыпшына”, “Пярсцёнак” і інш., а таксама творы аб жыцці і дзейнасці паэта.

[Admin]

Библиотека заняла второе место в районном конкурсе «Креатив-ёлка - 2022»!

[Admin]

“Нязгасная зорка зямлі беларускай”

9 снежня бібліятэкары Лідскай раённай бібліятэкі імя Янкі Купалы падрыхтавалі і правялі літаратурна-музычную кампазіцыю “Нязгасная зорка зямлі беларускай”, прысвечаную 130-годдзю да дня нараджэння беларускага паэта Максіма Багдановіча. Зала і кніжная выстава былі ўпрыгожаны рушнікамі, на якія былі замацаваны васількі – любімыя кветкі паэта. На мерапрыемства былі запрошаны студэнты Лідскага педагагічнага каледжа. Вядучыя пазнаёмілі прысутных з біяграфіяй паэта, расказалі падрабязней пра галоўныя моманты жыцця беларускай зоркі. Паведамленне пра жыццёвы шлях суправаджалася гучным чытаннем вершаў, якія былі напісаны ў адпаведны перыяд жыцця паэта. Таксама прагучалі песні ў выкананні вучняў Лідскай дзіцячай школы мастацтваў, мелодыя якіх была напісана на вершы Максіма Багдановіча. Прысутныя таксама з задавальненнем паўдзельнічалі ў віртуальным падарожжы па залах музея паэта, які знаходзіцца ў горадзе Гродна.

[Admin]

Літаратурны партрэт юбіляра “І не знікаць паэтам вечна”

Літаратурны партрэт юбіляра “І не знікаць паэтам вечна”, які правялі ў філіяле “Лідская гарадская бібліятэка №6 імя В. Таўлая”, быў прысвечаны вялікаму песняру Беларусі, паэту, празаіку, перакладчыку, крытыку, публіцысту – Максіму Багдановічу. Бібліятэкры пазнаёмілі прысутных з жыццёвым і творчым шляхам паэта, а ўдзельнікі мерапрыемства чыталі яго цудоўныя вершы.

[Admin]

Вечар-партрэт “Яскравае жыцце як служэнне Бацькаўшчыне”

На нятленным палатне нашай гістарычнай памяці імя М.Багдановіча займае пачэснае месца. Нездарма 9 снежня ў філіяле “Лідская гарадская бібліятэка №2”прайшоў вечар-партрэт “Яскравае жыццё як служэнне Бацькаўшчыне”. На мерапрыемстве творчасць разглядалі разам з жыццевым лёсам. Падчас сустрэчы гучалі матывы грамадскай лірыкі, тэма любові да Бацькаўшчыны, а таксама мастацтва і кахання. Царыла жывая атмасфера, напоўненная творчасцю, актыўным удзелам школьнікаў. Змест мерапрыемства дапаўнялі слайд-прызентацыя і музычныя нумары, якія дапамаглі цікава вабіць час.

[Admin]

ЛІТАРАТУРНАЯ ГАСЦЁЎНЯ
“Я ХАЦЕЎ БЫ СПАТКАЦЦА З ВАМІ…”

“Я ж кажу вам: добра быць коласам; але шчаслівы той, каму дадзена быць васільком” – так калісьці пісаў Максім Багдановіч пра лёс паэтаў. Сучасныя творцы называюць юбіляра прыгожым беларускім васільком, які чыстаю красою сваіх вершаў даводзіў да сусвета хараство беларускай культуры і багацце душы беларускага народа. Гэтыя думкі прагучалі на літаратурнай гасцёўне “Я хацеў бы спаткацца з вамі…”, прысвечанай 130-гадавіне з дня нараджэння Максіма Багдановіча, якая адбылася ў філіяле “Інтэграваная бібліятэка аграгарадка Дворышча”.
Каля выставы з творамі юбіляра гучалі вершы, у якіх адчуваліся імгненні чалавечага жыцця, пачуцці і зварот да новых пакаленяў – любіць, шанаваць і мацаваць памяць пра лёс сваёй краіны і яе культурную спадчыну.