admin 11 верасня ў ДУК “Лідская раённая бібліятэка імя Янкі Купалы” прайшла пазнавальная гадзіна пад назвай “Родная мова – крыніца празрыстая”, якая была арганізавана ў рамках праекта “Кожная пятніца – роднае, сваё”. Мерапрыемства было накіравана на фарміраванне ў дзяцей пачуцця гонару і павагі да роднай мовы. Падчас пазнавальнай гадзіны юнакі і дзяўчаты пазнаёміліся з багаццем і прыгажосцю беларускай мовы, яе гісторыяй і значэннем у сучасным жыцці. Былі праведзены інтэрактыўныя гульні і віктарыны, якія дапамаглі зрабіць сустрэчу цікавай і пазнавальнай. Адмысловая ўвага надавалася развіццю навыкаў правільнага і прыгожага валодання роднай мовай. Мерапрыемства прайшло ў прыязнай і цёплай атмасферы, выклікала станоўчы водгук у прысутных. Такая форма працы садзейнічае папулярызацыі беларускай мовы сярод маладога пакалення і падтрымлівае цікавасць да нацыянальнай культуры. #ДзеньРоднагаСвайго
