Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

25 сакавіка гарадская бібліятэка-філіял №6 у рамках Тыдня дзіцячай кнігі запрасіла вучняў СШ №16 на гутарку-прэзентацыю «Времен связующая нить», прысвечаную гісторыі чаю. Да Года беражлівасці ў рамках акцыі “Вторую жизнь – книге» 29 сакавіка прапанавалі дзецям адрамантаваць кнігі.

[Admin]

29 сакавіка гарадская дзіцячая бібліятэка запрасіла прышкольны лагер сярэдняй школы №12 на экскурсію "Добрым кнігам – Добры дзень" і на гульню-віктарыну "Будзьце здаровы ў школе і дома".

[Admin]

28 сакавіка гарадская дзіцячая бібліятэка для сваіх юных чытачоў-дзяўчынак правяла школу прыгажосці "Па тры касы для прыгажосці: усё пра косы і касічкі". Дзяўчынак пазнаёмілі з гісторыяй прычосак. Быў арганізаваны прагляд літаратуры, дзе можна было знайсці падрабязныя інструкцыі па пляценні разнастайных касічак: каласка, грэцкага вузла, французскай касы і касы па-швейцарску, а таксама іх увазе быў прапанаваны відэа-ўрок "Майстар-клас па пляценні касічак".

[Admin]

25-29 сакавiка гарадская бiблiятэка-фiлiял №3 у рамках Тыдня дзiцячай кнiгi запрасiла сваіх маленькіх чытачоў на шэраг мерапрыемстваў. Кожны дзень тыдня быў тэматычным: Дзень гумару, Дзень казкi, Дзень беларускай кнiгi, Дзень прыроды i Дзень гульняў. На працягу тыдня арганiзоўвалiся конкурс «На вясёлай хвалi», вiктарына «Дзе жыве казка?», гадзiна цікавых паведамленняў «Слава кнiжцы беларускай», турнiр знаўцаў «Я, ты i ўсё навокал», гульнёвая праграма «Сузор’е казак i прыгод». Асаблiвую цiкавасць удзельнiкаў выклiкала закрыццё тыдня, дзе галоўнай запрошанай госцяй была Баба Яга.

[Admin]

26-27 сакавіка ў гарадской дзіцячай бібліятэцы адбыўся запіс дзіцячай перадачы Лідскага тэлерадыёаб’яднання “Для маленькой компании”. Паказ праграмы адбудзецца 6 красавіка ў 19.00 і 21.00. Паўтор праграмы можна будзе паглядзець 7 красавіка ў 9 гадзін раніцы.

[Admin]

26 і 27 сакавіка гарадская бібліятэка-філіял №4 у рамках "Тыдня дзіцячай і юнацкай кнігі" запрасіла вучняў СШ №1 і СШ №11 на экскурсію ў бібліятэку "Кніжны вострай у лабірынце горада" і на электронную гульню-віктарыну "Вандраванне ў кніжную краіну". Дзецям былі прапанаваны бібліяграфічныя агляды кніжнай выставы "Добрыя кнігі - сябры назаўжды", які пазнаёміў з навінкамі літаратуры і "Ты журналы полистай - миллион чудес узнай", дзе вёўся аповед пра перыядычныя выданні для дзяцей. Вельмі спадабаліся гасцям электронныя прэзентацыі: "Ад вузялковага пісьма да электроннай кнігі" і "Не секрет для всех вокруг, что журнал - ваш лучший друг". Напрыканцы мерапрыемства дзеці адказалі на пытанні анкеты: ці выпісваюць яны часопісы і газеты, дзе яны чытаюць перыёдыку, што ў часопісах іх захапляе і інш.

[Admin]

26 сакавіка Гарадская дзіцячая бібліятэка ў рамках Тыдня дзіцячай кнігі да Года беражлівасці правяла гульню-конкурс “Мы хозяева – ого! Бережем уют, тепло!” для прышкольнага лагера школы №5. Гномік Эканомік вучыў дзяцей быць ашчаднымі і эканомнымі. Прысутныя былі азнаёмлены з кнігамі, прадстаўленымі на тэматычнай паліцы "Азбука беражлівасці".