Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

22 мая ў гарадской бібліятэцы-філіяле №1 адбылася віртуальная вандроўка “Мы выбираем здоровье”. На мерапрыемства былі запрошаны інваліды сацыяльнага цэнтра, для якіх дзейнічала кніжная выстава “Каб жыццё працягвалася заўжды”. Бібліятэкары пастараліся пераўтварыць бібліятэчнае асяроддзе ў рэабілітацыйна- аздараўленчае і асветніцкае, з мэтай стварэння адзінай адаптацыйнай прасторы. Прысутныя паўдзельнічалі ў віктарыне, якая садзейнічала прывіццю навыкаў здаровага ладу жыцця.

[Admin]

19 мая да Дня сям’і ў Ганчарскай сельскай бібліятэцы была арганізавана гонка за ведамі “Тата, мама, я – энэргазберагальная сям’я”. Падчас мерапрыемства некалькі сямей дзяліліся сваімі сакрэтамі эканоміі ў побыту. Маленькія чытачы адгадвалі загадкі, прынялі ўдзел у віктарыне. На працягу мерапрыемства функцыяніравала кніжная выстава “Беражлівасць і эканомія”.

[Admin]

18 мая ў 14.00 Беліцкая сельская бібліятэка сумесна з Беліцкім СДК запрасіла вучняў 7-9 класаў на інфармацыйную гадзіну “Музеі Беларусі”. Да мерапрыемства была аформлена кніжна-ілюстрацыйная выстава з аднайменнай назвай. Прысутныя даведаліся пра музейныя ўстановы, якія знаходзяцца на тэрыторыі Рэспублікі Беларусь, у прыватнасці пра Лідскі гісторыка-мастацкі музей, таксама пра музейныя пакоі, якія знаходзяцца ў Лідскім раёне.

[Admin]

17 мая Дзітвянская сельская бібліятэка сумесна са школай правяла Дзень інфармацыі “Для вас абітурыенты”, на які былі запрошаны настаўнікі і вучні 9 класа Дзітвянскай СШ. Да мерапрыемства быў падрыхтаваны агляд літаратуры па дадзенай тэматыцы і псіхалагічны тэст “О профессиях с любовью”.

[Admin]

17 мая ў Мажэйкаўскай сельскай бібліятэцы прайшоў літаратурны час “Ён пісаў добрыя кнігі”, прысвечаны 130-годдзю з дня нараджэння Я.Маўра. Вучні 5 класа Мажэйкаўскай сярэдняй школы прынялі ўдзел у літаратурнай віктарыне “Што ты ведаеш пра жыццё і творчасць Я.Маўра”, літаратурнай гульні “Успомні назвы”. Падчас імпрэзы прысутныя абмеркавалі аповесць Я.Маўра “Палескія рабінзоны”.

[Admin]

10 мая да 130-годдзя з дня нараджэння Я.Маўра Ганчарская сельская бібліятэка правяла бібліякараван “Ён пісаў добрыя кнігі”. Бібліятэкар пазнаёміла прысутных з асноўнымі датамі біяграфіі Я.Маўра і правяла віктарыну па творах пісьменніка.

[Admin]

8 мая ў 14.00 цэнтральная раённая бібліятэка запрасіла выкладчыкаў і студэнтаў Лідскага тэхнічнага каледжа на літаратурны вечар “Суровая праўда вайны”, прысвечаны Дню Перамогі. Падчас імпрэзы прысутныя пазнаёміліся з жыццёвым і творчым шляхам Васіля Быкава. Вядучая завастрыла ўвагу, што ў сваіх творах пісьменнік імкнуўся выявіць маральны свет чалавека, магчымасці яго духу. Прысутным быў прапанаваны відэафільм “Франтавыя запіскі”, дзе сам В.Быкаў расказвае пра вайну, пра мужнасць нашых салдат.