Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

5 снежня ў Дварышчанскай сельскай бібліятэцы прайшоў урок ведаў “Азбука бережливости”, у якім прынялі ўдзел дзве каманды “Солнечные зайчики” і “Добрые сердечки”. Бібліятэкар яшчэ раз падкрэсліла неабходнасць эканоміі святла, вады, цяпла і звярнула ўвагу дзяцей на неабходнасць ашчаднага выкарыстання прыродных рэсурсаў.

[Admin]

1 снежня Дварышчанская сельская бібліятэка сумесна са школай правялі круглы стол “СПИД и молодёжь: проблемы и пути их решения”. З вучнямі правялі практыкаванні-трэнінгі па прафілактыцы залежнасцей і ВІЧ/СНІД. Бібліятэкары падрыхтавалі памяткі аб рызыцы заражэння і прафілактыцы ВІЧ-інфекцыі.

[Admin]

27 лістапада да Сусветнага дня прафілактыкі СНІДу ў цэнтральнай раённай бібліятэцы прайшла інфармацыйная трыбуна “Завтра будет поздно”. У мерапрыемстве прынялі ўдзел члены рэспубліканскай культурна-асветніцкай арганізацыі “АСЕТ”: Віктар Сцяпко, куратар Гродзенскай вобласці, валанцёры, студэнты Гродзенскага дзяржаўнага ўніверсітэта імя Я.Купалы. Удзельнікі гэтай арганізацыі ў сваёй рабоце выкарыстоўваюць усеагульнапрыняты прынцып– “роўны-роўнаму”.

[Admin]

23 лістапада Бердаўская сельская бібліятэка запрасіла сваіх юных чытачоў на фестываль казачных герояў. Каб трапіць на свята, трэба было адгадаць загадкі, і не ў кожнага чытача з першай спробы гэта атрымалася. Папялушка разам з Феяй паказвалі эпізоды з казак, а дзеці павінны былі адгадаць назву казкі. Падчас мерапрыемства для хлопчыкаў і дзяўчынак казачныя героі правялі віктарыну па казках беларускіх, рускіх і замежных пісьменнікаў. Да мерапрыемства была падрыхтавана кніжная выстава “У краіне казак”.

[Admin]

22 лістапада гарадская бібліятэка-філіял №1 запрасіла чытачоў на творчую сустрэчу з лідскім паэтам, аўтарам некалькіх паэтычных зборнікаў Алесем Стадубам. Паэт расказаў пра сябе і сваю творчасць, з вялікай любоўю і пяшчотаю прачытаў вершы пра г. Ліда, родныя краявіды. Падчас мерапрыемства прысутныя пазнаёміліся з новым зборнікам вершаў А.Стадуба “Дотык волі”.

[Admin]

21 лістапада гарадская бібліятэка-філіал №4 для вучняў СШ №1 правяла віктарыну “Незнайка и все, все, все…”, прысвечаную 105-годдзю з дня нараджэння М.М.Носава. Вучні даведаліся пра творчы шлях і вехі біяграфіі пісьменніка, прынялі актыўны ўдзел у віктарыне па творах М.Носава, за што атрымалі прызы.

[Admin]

20 лістапада гарадская бібліятэка - філіял №6 запрасіла аматараў беларускай паэзіі на літаратурную гадзіну “Жытнёвае святло яе паэзіі”, прысвечаную 65-годдзю з дня нараджэння беларускай паэтэсы Яўгеніі Янішчыц. Перад прысутнымі выступіў лідскі паэт Петр Макарэвіч, які распавядаў аб жыцці і творчасці юбіляркі, падзяліўся сваімі ўспамінамі і ўражаннямі падчас сустрэч з гэтай таленавітай і неардынарнай асобай, зачытаў вершы Я.Янішчыц у асабістым перакладзе на рускую мову. А былая настаўніца філалогіі СШ № 10 Владзес А.К., якой давялося разам вучыцца з будучай паэтэсай ва ўніверсітэце, расказала аб студэнцкіх гадах, цікавых сустрэчах і літаратурных знаёмствах, прапанавала слухачам любімыя вершы і выказванні Я.Янішчыц. Да мерапрыемства быў падрыхтаваны агляд літаратуры “Краю благаславёнага дачка…”

[Admin]

С 20 декабря по 15 января в городской детской библиотеке работает «творческая мастерская» «Наряжаем ёлку сами».