Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

13 лістапада гарадская бібліятэка-філіял №4 запрасіла вучняў СШ №11 на літаратурную гадзіну “История одной любви”, прысвечаную 195-годдзю з дня нараджэння І.С.Тургенева. Прысутныя даведаліся пра гісторыю кахання Івана Тургенева і Паліны Віардо, радасць і смутак, расчараванне і боль пісьменніка. Вучні падрыхтавалі вершы ў прозе І.С.Тургенева.

[Admin]

17 лістапада ў Ганчарскай сельскай бібліятэцы прайшоў тэатралізаваны бібліямікс "Не шути, дружок, с огнём, чтобы не жалеть потом". Казачныя героі разам з бібліятэкарам дапамаглі юным чытачам пазнаёміцца з правіламі карыстання электрычнымі прыборамі і з асноўнымі правіламі пажарнай бяспекі.

[Admin]

З нагоды 215-годдзя з дня нараджэння Адама Міцкевіча 20 лістапада цэнтральная раённая бібліятэка імя Я.Купалы запрасіла жыхароў і гасцей горада на літаратурна-музычныя зазімкі “Ты стаў і вечнай славай Беларусі”. З паведамленнем перад прысутнымі выступіў Віталь Еўмянькоў, выкладчык Магілёўскага дзяржаўнага ўніверсітэта, які расказаў пра таварыства філаматаў і філарэтаў, да якіх належыў Адам Міцкевіч, што калісьці перажыў паэт і ягоныя паплечнікі. Гаворка ішла і пра дзяцінства паэта, яго продкаў, творы Міцкевіча.
З вялікай цікавасцю прысутныя сустрэлі выступленні Алеся Лося, фалькларыста, майстра музычных інструментаў, Алесі Сівохінай, барда, рэжысёра народнага літаратурнага тэатра, скрыпачкі Алены Мялешкі.
У рамках праекта “Песні філаматаў і філарэтаў” гледачы пачулі арыгінальныя мелодыі, ноты, якія захаваліся з пачатку 19 стагоддзя. Важная роля адводзілася актыўнаму дыялогу з публікай, якая ўцягнулася ў дзеянне, найперш, спяваючы разам з выканаўцамі. Алена Сівохіна паказала нават танцы таго часу.
Гэта вечарына была пададзена як інтэрактыўнае вяртанне ў час Міцкевіча

[Admin]

15 лістапада для жыхароў і гасцей нашага горада ў цэнтральнай раённай бібліятэцы імя Я.Купалы ладзілася музычна-паэтычная вечарына “Восеньская рапсодыя”. На працягу вечара гучалі вершы пра восень Г.Ахматавай, С.Ясеніна, К.Бальмонта, А.Фета пра . Студэнты музычнага каледжа выканалі інструментальныя п’есы лірычнага характара. З задавальненнем прысутныя паслухалі вершы лідскіх паэтаў у аўтарскім выкананні.

[Admin]

13 лістапада цэнтральная раённая бібліятэка імя Я.Купалы запрасіла ўсіх аматараў паэтычнага слова на сустрэчу з лідскай паэтэсай Аленай Какорынай. З захапленнем прысутныя слухалі вершы Алены Уладзіміраўны пра родны горад, Беларусь, маляўнічую прыроду Лідчыны. Цікава было даведацца, што яе пяру належыць шмат вершаў філасоўскага характару, што патрабуе аўтарскага асэнсавання.

[Admin]

12 лістапада ў цэнтральнай раённай бібліятэцы імя Я.Купалы адбылося адкрыццё бібліятэчнага сацыяльна – дабрачыннага праекта “Передай добро по кругу”, для людзей з абмежаванымі магчымасцямі. У бібліятэку завіталі людзі, якія нягледзячы на занятасць, прыйшлі і прынеслі часцінку дабрыні, спагадлівасці, міласэрнасці. У мерапрыемстве прынялі ўдзел прадстаўнікі прадпрыемстваў і прыватныя прадпрымальнікі, якія неаднаразова выступалі фундатарамі мерапрыемстваў для людзей з абмежаванымі магчымасцямі. Гэта: “ЛИПЛАСТ СПб”, ААТ”Малочна-кансервавы камбінат”, фабрыка марожанага “Энарг”, ІП”Скаўронскі”, ІП “Новы дом”, супрацоўнікі “Белаграпрамбанка”.
Лагатыпы гэтых прадпрыемстваў зоймуць ганаровыя месцы на банэры цэнтральнай раённай бібліятэкі.

[Admin]

5 лістапада гарадская бібліятэка-філіял №1 запрасіла інвалідаў сацыяльнага цэнтра на ўрок інфармацыйнай культуры “Книга твой друг – береги её”. Асноўная мэта ўрока – выхаванне беражлівасці і акуратнасці ў адносінах да кніг. Таксама прысутныя даведаліся пра паходжанне паперы і кардона, пра тое, які шлях прайшла кніга, каб трапіць да чытача.

[Admin]

С 20 декабря по 15 января в городской детской библиотеке работает «творческая мастерская» «Наряжаем ёлку сами».