Обзор мероприятий 2014г., Обзор мероприятий, проведенных ЦБ и филиалами в 2014 году. Опции

[Admin]

“Дзень светлай памяці.Дзяды”

Зносіны з блізкімі не перапыняюцца нават пасля іх смерці. Мы іх часта ўспамінаем, наведваем месцы апошняга прыстанку і молімся за супакой душ у храмах. Дзяды — свята беларускага народнага каляндара, звязанае з памінаннем продкаў. Дварышчанская сельская бібліятэка 31 кастрычніка правяла абрад “Дзяды”, бо гэтая спрадвечная традыцыя дапамагае захоўваць павагу да продкаў, перадаваць памяць пра старэйшае пакаленне малодшаму, з павагай ставіцца да інстытута сям'і і радства.

[Admin]

“Бульба на ўсе часы”

Бульба для беларуса – нешта большае, чым проста харчовы прадукт. Гэты карняплод на сённяшні дзень з’яўляецца адным з этнавызначальных беларускіх маркераў, побач з “беларускім” зверам зубрам ды “беларускай” птушкай буслом.Уявіць сваё жыццё без бульбы наўрад ці можа хоць хто-небудзь з сучасных беларусаў. 29 кастрычніка Дварышчанская сельская бібліятэка падрыхтавала для сваіх маленькіх наведвальнікаў гульнёвую праграму “Смачней за бульбу страў няма”. Конкурс асілкаў “Падымі кошык з бульбай” вызначыў сапраўдных памочнікаў, а спрытных і хуткіх вызначыла эстафета “Кухар”, дзе трэба было апрануць фартук, узяць лыжкай бульбіну і данесці да вядзерка. Узнагародай за актыўны ўдзел сталі бульбяныя аладкі, якія пацвердзілі назву мерапрыемства “Смачней за бульбу страў няма”.

[Admin]

“Библиосундучок”
Мы идём в библиотеку,
Чтоб побольше прочитать
Настоящим человеком
Помогает книга стать.

Обзор-премьеру подготовили сотрудники Дворищанской сельской библиотеки с целью научить любить печатное слово, научить читательской избирательности. Маленькие и большие, толстые и тонкие, мудрые и весёлые книги были предсталены юным читателям библиотеки.

[Admin]

Галоўнае ў жыцці – сяброўства

З мэтай паказаць сістэму ўзаемаадносін з акружаючымі людзьмі, навучыць вызначаць для сябе значныя асабістыя каштоўнасці, паказаць магчымасць і неабходнасць правільнага выбара сяброў 28 кастрычніка Дварышчанская сельская бібліятэка арганізавала для дзяцей прышкольнага лагера “Сонейка” сустрэчу “Нам без сяброўства не пражыць, сябрам трэба даражыць”, на якой дзеці разам паглядзелі і абмеркавалі фільм “Воўк і Алень”, успомнілі прыказкі і прымаўкі пра сяброўства, пачыталі вершы. Асабліва ўразіла прысутных маляваная казка “Як Ветрык знайшоў сяброўку”.

[Admin]

“За грамадства без наркотыкаў”

13 лістапада ў рамках абласнога месячніка прафілактыкі злоўжывання наркатычных сродкаў у маладзёжным асяроддзі “Остановись! За “кайфом” - БЕЗДНА” ў цэнтральнай раённай бібліятэцы стартавала маладзёжная акцыя “Выбери жизнь!” У мерапрыемстве прынялі ўдзел супрацоўнікі па справах непаўналетніх і Лідская раённая арганізацыя Беларускага грамадства Чырвонага Крыжа. Кожны выступоўца, як суб'ект прафілактыкі, акрэсліў кола разгляданых ім пытанняў у справе прафілактыкі ўжывання і незаконнага абароту наркатычных сродкаў, пазнаёміў з формамі і метадамі работы па папярэджанні і барацьбе з правапарушэннямі і злачынствамі, звязанымі з наркатычнымі рэчывамі. Акрамя таго, абмяркоўвалася важнае пытанне дапамогі падлеткам, якія трапілі ў бяду. Былі агучаны адрасы, куды можна звярнуцца за дапамогай.

[Admin]

“Заслону – наркатычнаму зеллю”

У рамках абласнога месячніка прафілактыкі злоўжывання наркатычных сродкаў у маладзёжным асяроддзі “Остановись! За “кайфом” – БЕЗДНА” 6 лістапада гарадская бібліятэка-філіял № 4 запрасіла вучняў 9-х класаў СШ № 11 на гадзіну-разважанне “Скажи “НЕТ” наркотикам”. Прысутныя зрабілі шмат карысных высноў, адна з якіх недапушчэнне першага знаёмства маладых людзей з наркотыкамі.

[Admin]

“Смак нацыянальнай кухні”
…Калі на свеце нехта дзесці
Умее добра працаваць, -
То ўмее ён і смачна з’есці
І – адпаведна – згатаваць!

Гэтыя цудоўныя словы сталі лейтматывам фальклорнага свята “Гасціннасць нашых продкаў”, якое адбылося 11 лістапада ў цэнтральнай раённай бібліятэцы. Духмянай верашчакай, запечаным сакавітым мясам, хатнімі каўбасамі, залацістымі дранікамі, капуснымі, грэчкавымі і гарбузовымі блінамі, лазанкай з рознымі праслойкамі, клёцкамі, саленнямі, супам з белымі грыбамі, наліўкамі на травах і ягадах... Усім гэтым прысутныя змаглі пачаставацца , а таксама мелі магчымасць атрымаць ёмістую інфармацыю аб гісторыі беларускай нацыянальнай кухні і знайсці арыгінальныя рэцэпты, з дапамогай якіх можна прыгатаваць абед у беларускім стылі. Далучыўся да свята фальклорна-этнаграфічны гурт цэнтра рамёстваў. Фальклорнае свята стала завяршальным акордам Года гасціннасці.

[Admin]

C мероприятиями, прошедшими в 2013 году, вы можете ознакомится перейдя по данной ссылке http://libro-lida.by/forum/index.php?showtopic=26