Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

6 чэрвеня гарадская бібліятэка-філіял №6 запрасіла выхаванцаў дзіцячага сада №34 на гульню-віктарыну “З якой мы казкі”.Дзеці не проста адказвалі на пытанні віктарыны, але стараліся імітаваць голас казачных герояў. Маленькім чытачам была прапанавана экскурсія па бібліятэцы.

[Admin]

6 чэрвеня для юных чытачоў у Дварышчанскай сельскай бібліятэцы прайшоў урок ведаў “Супрацьпажарная бяспека”. Да мерапрыемства была падрыхтавана кніжна-ілюстрацыйная выстава. Урок суправаджаўся пытаннямі аб праверцы ведаў. У час мерапрыемства дзеці абмеркавалі верш Р.Бензярука “Як парадніліся агонь з вадой” і казку В.Нікольскай “Дым у лесе”.

[Admin]

5 чэрвеня ў Дварышчанскай сельскай бібліятэцы прайшоў прагляд літаратуры “Кожны народ не без роду і племя мае летапіс свой і гісторыі след”, прысвечаны выдатнай беларускай асветніцы Е.Полацкай. Яго мэта – ушанаванне асобы Ефрасінні Полацкай, выхаванне любові і беражлівых адносін да гісторыі, культуры і мовы роднага краю.

[Admin]

4 чэрвеня Дзітвянская сельская бібліятэка для сваіх юных чытачоў правяла прэзентацыю летняй праграмы ”Лета і кніга ”. Дзеці былі азнаёмлены з праграмай летняга чытання, умовамі конкурса, мерапрыемствамі, якія будуць ладзіцца ў бібліятэцы падчас летніх канікул. А гасцямі свята сталі казачныя героі, якія адправіліся з вучнямі ў літаратурную вандроўку ” У госці да любімых герояў”,
а таксама паўдзельнічалі ў літаратурна –пазнавальнай гульні ” Па кніжных
сцяжынках лета” . Усе прысутныя запэўнены – у кніжак канікул не бывае!

[Admin]

4 чэрвеня ў рамках праграмы “Лета і кніга” гарадская бібліятэка-філіял №3 запрасіла юных чытачоў на літаратурна-гульнёвую праграму “Лета, сонейкам сагрэта”. Удзельнікі мерапрыемства, гартаючы старонкі “чароўнай кнігі”, траплялі ў краіну з вясёлымі загадкамі, гульнямі, конкурсамі, а таксама праявілі сябе ў ролі артыстаў і мастакоў.

[Admin]

3 чэрвеня у гарадской бібліятэцы-філіяле №1 да Міжнароднага Дня аховы навакольнага асяроддзя адбылася экалагічная гадзіна “Не шкодзь прыродзе-жыві з ёй у згодзе” для інвалідаў сацыяльнага цэнтра. Прысутныя пазнаёміліся з экалагічнымі праблемамі, адчулі заклапочанасць за лёс прыроды, адказнасць за свае ўчынкі. Сярод удзельнікаў праводзіліся конкурсы, віктарыны. З задавальненнем разгадвалі экалагічны красворд.

[Admin]

На працягу 2-х тыдняў у цэнтральнай раённай бібліятэцы імя Я.Купалы працуе летняя чытальная зала. За гэты час больш за 100 жыхароў і гасцей нашага горада сталі чытачамі “бібліятэкі пад адкрытым небам”.
Запрашаем усіх наведаць летнюю чытальную залу, дзе Вам дапамогуць выбраць літаратуру на любы густ і правесці вольны час на свежым паветры з любімай кнігай або часопісам.

[Admin]

С 20 декабря по 15 января в городской детской библиотеке работает «творческая мастерская» «Наряжаем ёлку сами».