ГЛАВНЫЕ СОБЫТИЯ 2015 ГОДА Опции

[Admin]

“Бацька беларускай нацыі”

Добрай тэндэнцыяй у рабоце Дзяржаўнай установы культуры “Лідская раённая бібліятэка імя Янкі Купалы” стала правядзенне навукова-практычных канферэнцый. 15 красавіка ў канферэнц-зале Лідскай раённай бібліятэкі імя Янкі Купалы прайшлі “ III –я Лідскія чытанні”, прысвечаныя 175-годдзю з дня нараджэння Францішка Багушэвіча, класіка беларускай літаратуры, аднаго з самых прыкметных фігур у айчыннай літаратуры 19 стагоддзя. У навукова-практычнай канферэнцыі прынялі ўдзел выкладчыкі-філолагі БДУ Ірына Багдановіч і Ігар Запрудскі. Сваімі меркаваннямі і досведамі з жыцця і творчасці Ф.Багушэвіча, звязанымі з лідскай зямлёй падзяліліся лідскія краязнаўцы Леанід Лаўрэш, Станіслаў Суднік, Алесь Хітрун. Выкладчык беларускай мовы і літаратуры Галіна Велькашынская пазнаёміла гасцей з тым, як вядзецца выкладанне творчасці Ф.Багушэвіча ў школе, метадыст Воранаўскай раённай бібліятэкі прадставіла даклад “Багушэвіч у Доцішках”.

[Admin]

“Дзень Лідскай культуры ў бібліятэцы”

10 чэрвеня ў раённай бібліятэцы імя Янкі Купалы прайшоў Дзень Лідскай культуры. У ліку асноўных мерапрыемстваў – экспанаванне панарамнай выставы “Лідчына – падарожжа ў часе і прасторы”, на якой былі прадстаўлены матэрыялы аб гісторыі, культуры і знакамітых дзеячах Лідчыны. На адкрытай пляцоўцы ля бібліятэкі гучалі нацыянальныя інструменты, свае работы выставілі майстры народных рамёстваў. У канферэнц-зале бібліятэкі адбылася творчая сустрэча з беларускім паэтам і перакладчыкам Міхасём Скоблай. На працягу дня дзейнічала слайд-экспедыцыя “Ліда – старажытная і маладая”. Госці і жыхары Лідчыны змаглі здзейсніць экскурсію па раённай бібліятэцы імя Янкі Купалы “Завітай да нас у госці”.