Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

На Масленіцу супрацоўнікі Дварышчанская клуба і сельскай бібліятэкі запрасілі ў госці кумачак-заловушак, свёкраў і свякровушак, людзей усіх узростаў, усіх аб'ёмаў і ростаў. Масленіца не толькі смачнымі блінамі частавала, а разам са сваімі памочнікамі: скамарохам, Бабай Ягой, Салохай, запрасіла ўсіх прыняць удзел у конкурсах і забавах. Госці чыгуны ў печ ставілі, гіры штурхалі, у пеўневых баях ўдаласць хвацкую паказвалі, на валёнках варажылі, канат перацягвалі, на санках і салазках людзей каталі. А лепшыя Дварышчанскія гаспадынькі на кірмашы пірагамі ды блінамі гандлявалі, гарбатай частавалі. А на развітанне можна было да вогнішча падысці, шчасця і дабра папрасіць, каб у сэрцах растаяў лёд, каб сум-туга паляцела ў аблокі.

[Admin]

15 сакавіка ў Бердаўскай сельскай бібліятэцы прайшло мерапрыемства па тэхніцы пажарнай бяспекі «Не шути с огнем», на якое быў запрошаны начальнік ПАСП-12 Лідскага РАНС Ступняк Д.Б. З дзецьмі была праведзена прафілактычная гутарка, у якой распавядалася аб тым, як неабходна сябе паводзіць ў выпадку ўзнікнення пажара. На аднайменнай выставе была прадстаўлена літаратура па тэме. Напрыканцы мерапрыемства дзеці паглядзелі відэафільм і відэаролікі аб рабоце пажарных Лідскага раёна. Была таксама агучана інфармацыя па колькасці пажараў і прычынах іх узнікнення.

[Admin]

14 сакавіка бібліятэка-філіял №4 запрасіла сваіх чытачоў на вечар адпачынку "Прыгажэе свет ад дабрыні жаночай", які быў арганізаваны сумесна з музыкальным каледжам. На мерапрыемства былі запрошаны вучні 9“В” класа сярэдняй школы №11 з класным кіраўніком Будзевіч С.Л. Студэнты каледжа выканалі музычныя творы аб маці, жанчыне, каханні. Мерапрыемства суправаджала электронная прэзентацыя "Жанчына. Вясна. Каханне", дзе на слайдах з выявамі вясновай прыроды былі напісаны вершы. Загадчык бібліятэкі распавядала аб гісторыі ўзнікнення Міжнароднага жаночага дня. Цікавы бібліяграфічны агляд кніжнай выставы "Сакрэты жаночай прывабнасці" правяла бібліятэкар Карабач В.Л.

[Admin]

6 сакавіка ў Доме-музеі імя В.Таўлая адбылася літаратурная сустрэча з нашай зямлячкай, беларускай паэтэсай Данутай Бічэль. У бягучым годзе ёй споўнілася 75 гадоў. Да гэтай падзеі ў цэнтральнай раённай бібліятэцы была аформлена кніжная выстава “Сцяжынка простая да мудрасці народа”. На сустрэчы з паэтэсай прысутнічалі лідскія паэты-аматары, бібліятэкары, навучэнцы і настаўнікі ліцэя №1.

[Admin]

6 сакавіка ў канферэнц-зале цэнтральнай раённай бібліятэкі адбылося пасяджэнне аматарскага клуба “Кветкавод”. Пасяджэнне прайшло ў добразычлівай атмасферы. Адбылося знаёмства з новымі аматарамі-кветкаводамі. Вядучыя жаночага дыялогу “Свет жанчыны – свет дабрыні” пазнаёмілі прысутных з гісторыяй узнікнення жаночага дня, з тым, як святкуецца гэты дзень у розных краінах. Другая частка пасяджэння прысвячалася непасрэднай дзейнасці клуба – абмену насеннем кветак.

[Admin]

27 лютага ў чытальнай зале бібліятэкі-філіяла №6 імя В.Таўлая адбыўся круглы стол “Новы стыль жыцця - здаровы”. На мерапрыемства былі запрошаны студэнты факультэта павышэння кваліфікацыі БНТУ і выкладчык Маляўка В.Г. Мерапрыемства садзейнічала прапагандзе здаровага ладу жыцця. Напярэдадні была аформлена кніжная выстава “Новы стыль жыцця - здаровы”. У канцы мерапрыемства бібліятэкар Маркевіч А.М. правяла бібліяграфічны агляд літаратуры.

[Admin]

23 лютага ў Бярозаўскай гарадской, а 24 лютага ў цэнтральнай раённай бібліятэцы адбылася 6-ая Агульнанацыянальная беларуская дыктоўка.

[Admin]

С 20 декабря по 15 января в городской детской библиотеке работает «творческая мастерская» «Наряжаем ёлку сами».