Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

26 и 29 сакавіка Гарадская дзіцячая бібліятэка правяла літаратурна-кулінарны ўрок "Свята смачнай кнігі" для прышкольнага лагера школы №12. Фея шакаладу і яе сябар Гісторык пазнаёмілі дзяцей з гісторыяй шакаладу. Дзеці прынялі ўдзел у літаратурнай віктарыне "Смачная кніга", у конкурсах "Адгадай любімы ласунак", "Сладкоежки", "Таямніца шакаладнага дрэва". Да мерапрыемства была падрыхтавана кніжная выстава "Азбука юнага кулінара" і электронная прэзентацыя.

[Admin]

26 сакавіка ў гарадскім філіяле №1 ў рамках Тыдня дзіцячай кнігі адбылося цікавае мерапрыемства – гульня-падарожжа “Разам з казкай мы расцём”. Удзельнікі адправіліся ў незвычайнае падарожжа ў казачную краіну з гульнямі і вясёлымі конкурсамі. А інваліды з сацыяльнага цэнтра падрыхтавалі і паказалі займальную інсцэніроўку па казцы А.С.Пушкіна “Казка пра рыбака і рыбку”.

[Admin]

22 сакавіка Гарадская дзіцячая бібліятэка распачала Тыдзень дзіцячай кнігі ўрачыстым адкрыццём "Свята кніжкіных сяброў", якое прайшло ў малой зале раённага Палаца культуры. На мерапрыемства былі запрошаны вучні чацвёртых класаў школ горада. Дзеці разам з Кніжнай феяй адправіліся ў віртуальнае вандраванне па помніках літаратурным героям у бронзе і граніце, усталяваных удзячнымі чытачамі ў розных краінах і гарадах. Літаратурныя героі фрэкен Бок і Фядора правялі з дзецьмі конкурсна-гульнёвую праграму, а з музычнымі віншаваннямі выступілі навучэнцы дзіцячай школы мастацтваў. Да мерапрыемства была арганізавана кніжная выстава "Добрыя кнігі - сябры назаўжды".

[Admin]

21 сакавіка ў Дварышчанскай сельскай бібліятэцы адбыўся літаратурны вечар "Галасы закаханых у беларускую паэзію". Гучалі вершы Л. Геніюш, М. Чарняўскага, Т. Сучковай. У момант хвілінкі-весялінкі загадвалі загадкі, вадзілі харавод, віталі вясну словамі з верша В. Жуковіча, за што атрымалі салодкія пачастункі.

[Admin]

21 сакавіка Гарадская дзіцячая бібліятэка правяла экскурсію "Добрым кнігам – добры дзень" для вучняў 1 "В" класа гімназіі.

[Admin]

21 і 22 сакавіка ў рамках “Тыдня дзіцячай кнігі” гарадская бібліятэка-філіял №5 прапанавала сваім юным чытачам гульню “Беларуская казка - дзецям падказка” і інфарміну “Новыя кнігі новага стагоддзя”. На мерапрыемствы былі запрошаны вучні СШ №12, якія з задавальненнем прымалі ўдзел у прапанаваных ім гульнях, віктарынах, слухалі любімыя казкі, знаёміліся з навінкамі літаратуры.

[Admin]

22 сакавіка бібліятэка-філіял №1 запрасіла сваіх чытачоў на літаратурна-музычную кампазіцыю “У свеце ёсць дабро, любоў і шчасце”. На мерапрыемстве гучала музыка і вершы на тэму вечных жыццёвых каштоўнасцей: любові, дабра, шчасця. Інваліды сацыяльнага цэнтра падрыхтавалі інсцэніроўку казкі “Самыя цудоўныя рукі”.