Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

13 кастрычніка Мінойтаўская сельская бібліятэка сумесна з КДЦ запрасілі ўдзельнікаў жаночага клуба “Сяброўка” на вечарыну-ушанаванне “Пад зоркай Маці”. Увазе прысутных была прадстаўлена дэманстрацыя мадэлей жаночага адзення, выстава малюнкаў вучняў мясцовай школы “Моя мама”, мультымедыйная прэзентацыя, прысвечаная Дню Маці. Мамы з задавальненнем прынялі ўдзел у конкурснай праграме “А ну-ка, мамы”. Сюрпрызам для ўсіх стала тэатралізаванае прадстаўленне па казцы “Звёздный мальчик”, падрыхтаванае Мінойтаўскім КДЦ.

[Admin]

14 кастрычніка ў гарадской бібліятэцы-філіяле №6 адбылося чарговае пасяджэнне клуба “Надзея”, якое было прымеркавана да Дня Маці. Праграма мерапрыемства ўключала літаратурна-музычную кампазіцыю “О матери и слабой, и всесильной, о красоте земной и неземной”, падчас якой гучалі песні, вершы і ўрыўкі з твораў беларускіх і рускіх аўтараў, прысвечаных жанчыне, маці. Прысутныя змаглі пазнаёміцца з кніжнай выставай “З любоўю да Маці”, а таксама выставай мастацкіх вырабаў сям’і Белавус М. С. Добры настрой і святочную атмасферу дапамаглі стварыць салісты народнага ансамбля “Скарбніца” з-да “Оптык” пад кіраўніцтвам А.З. Ляйко.

[Admin]

14 кастрычніка ў цэнтральнай раённай бібліятэцы імя Я.Купалы адбылося чарговае пасяджэнне клуба ”Кветкавод”, прысвечанае Дню маці. Прыемным падарункам для ўсіх прысутных стала выступленне маладых артыстаў – студэнтаў Лідскага музычнага каледжа. Хлопцы і дзяўчаты віртуозна выконвалі розныя інструментальныя п’есы на цымбалах, флейце, акардыёне і скрыпках. А песні пра маму ў выкананні юных вакалістак заварожвалі прысутных сваім гучаннем.

[Admin]

2 кастрычніка гарадская бібліятэка-філіял №4 сумесна з музычным каледжам запрасілі вучняў СШ №11 на музычны час “Напоўнім музыкай сэрца”, прысвечаны Міжнароднаму Дню музыкі. З захапленнем прысутныя слухалі выступленне вакалістак Рамук і Мацкевіч, а таксама дуэт скрыпачак Лянцэвіч і Трусавай. Да мерапрыемства была падрыхтавана мультымедыйная прэзентацыя “Музыкай жыву”, прысвечаная Д.Шастаковічу.

[Admin]

27 верасня ў Ганчарскай сельскай бібліятэцы прайшло свята «Посвящение в читатели”, на якое былі запрошаны вучні першага класа Ганчарскай школы разам з бацькамі. Каралева Кніга пазнаёміла прысутных з Правіламі карыстання бібліятэкай, з кніжным фондам бібліятэкі. Да мерапрыемства была аформлена кніжная выстава “Любімыя казкі на ўсё жыццё”, падрыхтаваны агляд літаратуры “Мае першыя кнігі”.

[Admin]

13 октября в центральной районной библиотеке им. Я.Купалы прошёл День литовской культуры на Лидчине. Лидское общественное объединение литовцев “Рута” подготовила культурно-досуговую программу, состоялась служба в Фарном костёле. В конференц-зале центральной районной библиотеки была оформлена выставка книг литовской литературы. Председатель ЛООЛ “Рута” Митюкевич Марина подготовила обзор литературы. На мероприятие были приглашены председатель Лидского районного исполнительного комитета Островский А.Н., заместитель председателя Главницкий А.Т., заместитель начальника отдела идеологической работы, культуры и по делам молодёжи Самсонов В.В. С приветственным словом перед присутствующими выступили консул и посол Литвы в Республике Беларусь. На протяжении всего мероприятия звучали литовские песни и стихи.

[Admin]

Ужо стала традыцыйным для нашай бібліятэкі рыхтаваць мерапрыемствы да Тыдня беларускага пісьменства. Вось і на гэты раз, 4 верасня ў канферэнц-зале ЦБ ладзіўся вечар-прысвячэнне "Асветніца і нябесная заступніца Беларусі", прысвечаны Еўфрасінні Полацкай. Да гэтага дня былі падрыхтаваны: кніжная выстава-роздум "Вялікія асветнікі Белай Русі", бібліяграфічны агляд літаратуры "Прападобная Еўфрасіння Полацкая - слава зямлі беларускай". Удзельнікамі мерапрыемства былі студэнты Лідскага каледжа, выкладчыкі, бібліятэкары, а таксама іканапісец сястра Вольга з Свята-Міхайлаўскага сабора. Яна вельмі цікава расказала аб жыцці Еўфрасінні, аб тым, як яна стала святой. З цікавасцю прысутныя паглядзелі відэафільм "О преподобной Евфросиньи Полоцкой" і паслухалі песні старажытных часоў у выкананні супрацоўнікаў РПК.