Обзор мероприятий 2015г., Обзор мероприятий, проведенных ЦБ и филиалами в 2015 году. Опции

[Admin]

«У любви нет возрастных границ»

14 февраля – День всех влюблённых. Сюрпризом для жителей агрогородка Далекие стал вечер отдыха, посвящённый этому дню. Позитивными и яркими эмоциями запомнился этот день местным жителям. Первую часть праздника открыла заведующий библиотекой-клубом. Она поздравила всех присутствующих и вкратце рассказала историю праздника. Вторая часть вечера прошла в игровой форме. Совместно с аккомпаниатором юноши и девушки отгадывали загадки, участвовали в викторинах, с огромным азартом бегали и прыгали. Отметим, что в этот праздничный вечер не остались дома и жители старшего возраста. Семейные пары с удовольствием играли, танцевали, веселились.

[Admin]

“Паэтычны свет Рыгора Барадуліна”

Сёлета выдатнаму сыну беларускага народа споўнілася б 80 гадоў. Ушанаваць яго памяць і ўспомніць вечна жывыя і заўсёды актуальныя вершы паэта 24 лютага ў гарадскую бібліятэку-філіял № 1 прыйшлі прыхільнікі яго творчасці.
Увазе прысутных быў прадстаўлены агляд літаратуры “Шчымлівыя рамансы”, дзе вядучая адзначыла па-мастацку багатую Барадулінскую паэзію, з яе разнастайнымі колерамі і інтанацыямі; узнёслую і трагічную, светлую і балючую.

[Admin]

“ Сэрцам роднага слова краніся”

Кажуць, мова мая аджывае
Век свой ціхі: ёй знікнуць пара.
Для мяне ж яна вечна жывая,
Як раса, як сляза, як зара.

П. Панчанка.

20 лютага ў Ганчарскай сельскай бібліятэцы прайшла гульня – віктарына “Таямніцы беларускіх слоў”, прысвечаная Міжнароднаму дню роднай мовы. Бібліятэкар пастаралася данесці да прысутных тое асноўнае, што павінна жыць у сэрцы кожнага беларуса - гонар за сваю мову!
Вучні Ганчарскай СШ перанеслі на ліст паперы свае думкі і пачуцці да роднай мовы. Асноўная ідэя мерапрыемства - звярнуць увагу на непараўнальнае зачараванне, сакавітае гучанне і спецыфічны каларыт роднай мовы.

[Admin]

Ушанаванне Янкі Купалы сучаснікамі і нашчадкамі

У кожнага народа ёсць тыя, «што апяваюць» яго, паэты, талент якіх спрыяе духоўнаму сталенню не аднаго пакалення людзей, фарміруе іх светапогляд і патрыятычныя памкненні. Гэта постаці, абраныя, каб прынесці свайму народу славу і пашану сярод іншых. Для беларусаў такім стаў Янка Купала.
Каб ушанаваць светлую памяць песняра, прарока, нацыянальнага генія, першага народнага паэта Беларусі, 25 лютага ў цэнтральнай раённай бібліятэцы адбылося адкрыццё бюста Янкі Купалы.Удзячныя нашчадкі ўспомнілі яго вершы, словы, думкі. У выкананні навучэнцаў музычнага каледжа прагучалі песні на словы Янкі Купалы.

[Admin]

“У гонар абаронцаў Айчыны”

23 лютага – свята, якое з’яўляецца адным з самых паважаных у краіне. Яно азначае не толькі даніну глыбокай павагі да нашай гераічнай гісторыі, але і шчырую ўдзячнасць людзям, якія прысвяцілі сваё жыццё абароне Радзімы.
З нагоды Дня абаронцаў Айчыны, 11 лютага ў цэнтральнай раённай бібліятэцы імя Я.Купалы ладзіўся вечар “Вам, будущие защитники”, з удзелам бібліятэкараў, студэнтаў Лідскага тэхнічнага каледжа, членаў Савета ветэранаў.

[Admin]

“Калейдаскоп прафесій”

“Хоць свет у цэлым рухаецца наперад, моладзі прыходзіцца кожны раз пачынаць спачатку”… Нельга не пагадзіцца з І.Гётэ. Сапраўды, кожны чалавек у пачатку свайго шляху задумваецца пра тое, чым ён будзе займацца далей. Кожны задумваецца, куды пайсці вучыцца, як зрабіць сваё жыццё шчаслівым, гарманічным, прадукцыйным…
18 лютага ў Ганчарскай сельскай бібліятэцы для вучняў 9 і 11 класаў Ганчарскага ВПК дзіцячы сад – сярэдняя школа прайшоў Дзень будучага спецыяліста “Школа… А што далей?”, на які былі запрошаны вядучыя спецыялісты сельскай гаспадаркі і арганізавана прамая лінія з галоўным юрыстам сельскай гаспадаркі Лідскага раёна Палейчыкам Генрыхам Мар’янавічам. Вучні змаглі атрымаць адказы на пытанні юрыдычнага характару аб мэтавым накіраванні ў навучальныя ўстановы сельскагаспадарчага профілю.

[Admin]

“Дзень святога Валянціна”

У апошнія гады стаў папулярны Дзень св.Валянціна. Дык хто быў святы Валянцін, і адкуль пайшлі сучасныя абрады і традыцыі? Як узнікла гэтае свята? Пра ўсё гэта даведаліся прысутныя падчас пазнавальнай гадзіны “Яшчэ раз пра каханне”, якая адбылася 14 лютага ў гарадской бібліятэцы-філіяле № 1.