Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

27 лютага ў чытальнай зале бібліятэкі-філіяла №6 імя В.Таўлая адбыўся круглы стол “Новы стыль жыцця - здаровы”. На мерапрыемства былі запрошаны студэнты факультэта павышэння кваліфікацыі БНТУ і выкладчык Маляўка В.Г. Мерапрыемства садзейнічала прапагандзе здаровага ладу жыцця. Напярэдадні была аформлена кніжная выстава “Новы стыль жыцця - здаровы”. У канцы мерапрыемства бібліятэкар Маркевіч А.М. правяла бібліяграфічны агляд літаратуры.

[Admin]

23 лютага ў Бярозаўскай гарадской, а 24 лютага ў цэнтральнай раённай бібліятэцы адбылася 6-ая Агульнанацыянальная беларуская дыктоўка.

[Admin]

27 лютага ў 14 гадзін у цэнтральнай раённай бібліятэцы прайшла гадзіна прававой інфармацыі ”Наркотыкі – сурагат шчасця і крыніца бяды”, прымеркаваная да Міжнароднага дня барацьбы з наркаманіяй і наркабізнесам.
На мерапрыемстве прысутнічалі: начальнік аддзела па наркакантролю і гандлю людзьмі Даўлюд Іван Мікалаявіч, старэйшы оперупаўнаважаны Курачкін Сяргей Сяргеявіч, оперупаўнаважаны Сухоцкі Раман Іванавіч. У даступнай форме яны расказалі прысутным (студэнтам каледджа, выкладчыкам і бібліятэкарам) аб стане спраў па барацьбе з наркабізнесам у горадзе і раёне, паказалі відэастужку аб шкодным уздзеянні наркотыкаў на моладзь.

[Admin]

23 лютага Ганчарская сельская бібліятэка запрасіла сваіх чытачоў на конкурсную праграму ”Сапраўдны мужчына дня”, якая адбылася ў рамках чарговага пасяджэння аматарскага аб’яднання ”Кругагляд”. Удзельнікі клуба, хлопчыкі, спаборнічалі за атрыманне тытула сапраўднага мужчыны дня. Яго атрымаў вучань 4-га класа Журак Нікіта.

[Admin]

20 лютага да дня Святога Валянціна гарадская бібліятэка-філіял №4, сумесна з музычным каледжам падрыхтавала літаратурна-музычную кампазіцыю “Гісторыя кахання”. Гасцям прапанавалі не толькі паслухаць гісторыі, якія распавядаюць аб сэнсе кахання ў жыцці вядомых асоб: Рамэо і Джульеты, Сяргея Ясеніна і Айсядоры Дункан, Майстра і Маргарыты, кронпрынца Рудольфа і Марыі Мечэрэ, але і дакрануца да натхнёных радкоў паэзіі і музыкі. Студэнты музычнага каледжа выканалі музычныя нумары, прысвечаныя каханню: “Мне жаль тебя”, “Снег”, ”Вечная любовь”, ”Адажио”, “Нежность”, «Черное, белое» і інш.
У бібліятэцы была аформлена тэматычная паліца “Ёсць кніга вечная кахання…”, якая змясціла ў сябе лепшыя кнігі пра каханне (па выніках апытання чытачоў). На мерапрыемстве прысутнічалі вучні 9“А”, 9“Б”, 9“В” класаў СШ №11 і настаўнікі беларускай мовы і літаратуры, гісторыі - Будзевіч С.Л., Радзевіч Т.І., Шыбут С.Л.

[Admin]

13 лютага ў канферэнц-зале цэнтральнай раённай бібліятэкі адбылася медыялекцыя “Праваслаўныя храмы Лідчыны”. Мерапрыемства было прысвечана 690-годдзю з часу заснавання горада Ліда, якое будзе святкавацца ў верасні. Вядучы, святар айцец Уладзімір Пачынскі расказаў прысутным, студэнтам Лідскага каледжа, аб значымых храмах горада Гродна і падрабязна спыніўся на праваслаўных храмах горада Ліда і Лідскага раёна.

[Admin]

10 февраля городская детская библиотека провела час полезной информации "Готовим подарки к празднику: День святого Валентина". Просмотр выставки "От книги - к творчеству" продлится до 14 февраля.