Обзор мероприятий., Обзор мероприятий, проведенных Лидской районной библиотекой и филиалам Опции

[Admin]

Гучныя чытанні “Слава кніжцы беларускай”

Гучнымі чытаннямі “Слава кніжцы беларускай” сустрэў філіял “Лідская гарадская бібліятэка №5” 22 лютага сваіх юных чытачоў. Дзеці з задавальненнем успаміналі беларускія прыказкі і прымаўкі, чыталі вершы і ўрыўкі з твораў сучасных беларускіх пісьменнікаў і паэтаў. На прыканцы гулялі ў рухомую гульню “Грушка”.

[Admin]

Гульнёвая праграма “Верно служить – не о чём не тужить”

21 лютага філіял “Лідская гарадская бібліятэка №3” запрасіў вучняў ДУА “Сярэдняя школа № 13 г. Ліды” на гульнёвую праграму “Верно служить – не о чём не тужить”, прысвечаную Дню абаронцаў Айчыны і Узброенных сіл Рэспублікі Беларусь. Падчас мерапрыемства ўдзельнікі пазнаёміліся з гісторыяй ваенных фарміраванняў на тэрыторыі Гродзеншчыны, даведаліся пра воінаў-інтэрнацыяналістаў, прынялі ўдзел у сітуацыйных гульнях, выконвалі конкурсныя заданні, адказвалі на пытанні віктарыны. Хлапчукі атрымалі віншаванні. Да мерапрыемства была падрыхтавана выстава-прагляд.

[Admin]

Концертно-музыкальный вечер «Аты-баты, шли солдаты»

21 февраля на концертно-музыкальный вечер «Аты-баты, шли солдаты» пригласил гостей филиал «Далекская сельская библиотека-клуб». Поздравления с Днём Защитника Отечества прозвучали в адрес всех мужчин: пап, дедушек и мальчиков! Администрация Тарновского сельсовета, представители МЧС и РОВД также поздравили сельских жителей агр. Далекие с этим праздником. С концертной программой выступили солисты любительского объединения «Альтанка».

[Admin]

Міжнародны дзень роднай мовы ў філіяле “Бярозаўская гарадская бібліятэка”

21 лютага ва ўсім свеце адзначаецца Міжнародны дзень роднай мовы. Не стаў выключэннем і філіял “Бярозаўская гарадская бібліятэка”, які сустрэў свята разам з чытачамі. Першае мерапрыемства было зладжана сумесна з ДУ “Бярозаўскі гарадскі дом культуры” для вучняў старэйшых класаў ДУА “Бярозаўская сярэдняя школа №3” – квэст-гульня “Размаўляем па-беларуску”, з прыпынкам “Ужываем” у бібліятэцы. Затым, на паседжанні аматарскага аб’яднання “Суразмоўніца”, прадоўжылі мерапрыемства, падчас якога расказалі пра складаны шлях станаўлення і развіцця беларускай мовы, часы росквіту і заняпаду, пра беларускіх асветнікаў, якія ўнеслі вялікі ўклад у яе адраджэнне, пісьменнікаў і паэтаў, якія папулярызуюць нашу мову. Напрыканцы, прынялі ўдзел у 13-й Агульнанацыянальнай дыктоўцы, для напісання быў выбраны ўрывак з апавядання В.Быкава “На Чорных лядах”.

[Admin]

Вечарына “Родная мова – крынiца празрыстая”

З 19 па 22 лютага ў актавай зале ДУА “Вучэбна-педагагічны комплекс Бердаўскi дзiцячы сад-сярэдняя школа” супрацоўнікам філіяла “Інтэграваная бібліятэка аграгарадка Бердаўка” быў арганiзаваны адкрыты прагляд лiтаратуры “Шчырая, лагодная, мова наша родная...”. 22 лютага сумесна з настаўнiкамi Альшэўскай Г.А. i Кеўра А.М. прайшла вечарына “Родная мова – крынiца празрыстая”. Дзецi з цiкавасцю слухалi вершы аб роднай мове, пicалi дыктоўку, спаборнiчалi хто хутчэй перакладзе словы з рускай i англiйскай моваў на беларускую i iнш. Усе разглядаемыя мерапрыемствы былі падрыхтаваны ў рамках тыдня беларускай мовы да Мiжнароднага дня роднай мовы.

[Admin]

Літаратурная палітра “Беларускае роднае слова, ты на крылах бусліных ляціш”

21 лютага філіял “Лідская гарадская дзіцячая бібліятэка” запрасіў навучэнцаў 3А класа ДУА “Сярэдняя школа №8 г.Ліды” на літаратурную палітру “Беларускае роднае слова, ты на крылах бусліных ляціш”, прысвечаную Міжнароднаму дню роднай мовы. Вядучыя мерапрыемства распавялі пра паходжанне свята. Прысцтныя паўдзельнічалі ў акцыі “Мае любімыя беларускія словы”, з дапамогай якіх дзеці ахарактарызавалі нашу Радзіму – Беларусь. У ходзе мерапрыемства знаўцы беларускай мовы разгадвалі загадкі, удзельнічалі ў конкурсах “Перакладчыкі”, “Будаўнікі беларускіх слоў”, “Выправі памылку”, “Знаўцы беларускага фальклор”, “Наадварот”, дзе прадэманстравалі свае веды беларускай мовы і літаратуры.

[Admin]

Паэтычная сустрэча “І прыгожа льюцца на прасторы словы беларускай мовы”

21 лютага філіял “Дварышчанская сельская бібліятэка” запрасіў вучняў 5-га класа дзяржаўнай установы адукацыі “Дварышчанскі вучэбна-педагагічны комплекс дзіцячы сад-сярэдняя школа” адзначыць Міжнародны дзень роднай мовы паэтычнай сустрэчай “І прыгожа льюцца на прасторы словы беларускай мовы”. Спачатку ўдзельнікі дамовіліся размаўляць толькі па-беларуску, такім чынам зрабіць падарунак усім, хто сваё жыццё прысвяціў росквіту нашай культуры. Прысутныя не толькі слухалі і чыталі вершы беларускіх паэтаў, а паказалі моўнае майстэрства падбіраючы адпаведныя асацыяцыі словам “гордыя”, “даўнія”, “светлыя”, “мудрыя”, “смачныя”, “чулыя”. Свае веды вучні прадэманстравалі адгадваючы загадкі, збіраючы прыказкі і напісаўшы дыктоўку, якую прапанавала настаўніца беларускай мовы І.Л.Шостак