Обзор мероприятий 2013г., Обзор мероприятий, проведенных ЦБ и филиалами в 2013 году. Опции

[Admin]

25 ліпеня ў гарадской бібліятэцы-філіяле №1 для інвалідаў сацыяльнага цэнтра адбылася літаратурная гадзіна “Обзор современных изданий”. Прысутныя пазнаёміліся з навінкамі перыядычнага друку, якія паступілі ў бібліятэку, прынялі ўдзел у відэа-віктарыне “Всё обо всём”. Да мерапрыемства была падрыхтавана мультымедыйная прэзентацыя “Журнал – наш лучший друг”.

[Admin]

11 ліпеня гарадская бібліятэка-філіял №3 запрасіла сваіх юных чытачоў прыняць удзел у літаратурнай віктарыне “Падарожжа ў краіну казак”. Ужо з парога маленькіх наведвальнікаў сустрэла кніжная выстава “У гасцях у казкі”. Акрамя захапляючага падарожжа ў краіну казак, дзеці адпачылі, пагулялі, і перазнаёміліся адно з адным. Прысутныя дружна адказвалі на пытанні віктарыны і за правільныя адказы атрымлівалі салодкія прызы. На працягу ўсяго мерапрыемства гучалі песні ў выкананні казачных герояў.

[Admin]

8 ліпеня да гадавіны вызвалення г.Ліды ад нямецка-фашысцкіх захопнікаў у гарадской бібліятэцы-філіяле №6 імя В.Таўлая адбылася гадзіна памяці “…І пра вайну нічога не забыта”. Бібліятэкар пазнаёміла прысутных з тымі падзеямі, якія адбываліся на тэрыторыі Лідчыны і з хронікай вызвалення горада Ліды.
Дапоўніла мерапрыемства кніжная выстава “Ішла вайна народная”, на якой былі прадстаўлены:рэспубліканская кніга “Памяць.Беларусь”, гісторыка-дакументальная хроніка “Памяць. Ліда. Лідскі раён”, успаміны І.Гарбачэўскага “Лідская партызанская зона”, краязнаўчыя матэрыялы і іншыя дакументы.

[Admin]

5 ліпеня да чарговай гадавіны вызвалення Лідчыны ад нямецка-фашысцкіх захопнікаў гарадская бібліятэка-філіял №5 запрасіла сваіх чытачоў на пазнавальную гадзіну “Яны вызвалялі Лідчыну”. Цікавую і карысную інфармацыю атрымалі прысутныя аб тых гераічных момантах і аб героях вызвалення нашага краю ад ворагаў.

[Admin]

4 ліпеня да Дня вызвалення г.Ліды ад нямецка-фашысцкіх захопнікаў гарадская бібліятэка-філіял №4 сумесна з музычным каледжам прымеркавалі літаратурна-музычную кампазіцыю “Люблю цябе, бацькоўская зямля”. Да мерапрыемства была аформлена кніжная выстава “Вайна далёкая і блізкая”, якая пазнаёміла прысутных з літаратурай ваеннай тэматыкі. У выкананні навучэнцаў музычнага каледжа прагучалі музычныя творы аб вайне, а вучні СШ №11 дэкламавалі вершы мясцовых паэтаў аб далёкіх падзеях ваеннага часу.

[Admin]

30 чэрвеня ў мэтах фарміравання экалагічнай культуры, пашырэння кругагляду дзяцей аб прыродзе, у Беліцкай сельскай бібліятэцы прайшла пазнавальная гадзіна “Хто дзе жыве”. Удзельнікамі мерапрыемства сталі вучні Беліцкай сярэдняй школы. Да мерапрыемства была аформлена кніжная выстава з аднайменнай назвай. Вучні прынялі ўдзел у конкурсах, гульнях, адказвалі на пытанні віктарыны. Прысутныя атрымалі шмат каштоўнай інфармацыі аб існаванні птушак, звяроў і земнаводных.

[Admin]

24 чэрвеня гарадская дзіцячая бібліятэка падрыхтавала прэзентацыю кніг серыі “Будзь беражлівым” С.Стэльмашонка. На мерапрыемства былі запрошаны навучэнцы гімназіі, чытачы бібліятэкі. Прысутныя пазнаёміліся з творчасцю пісьменніка, кнігі якога вучаць беражліва ставіцца да скарбаў, якімі мы карыстаемся штодня – цяпло, газ, вада, святло. Дзеці прынялі ўдзел у конкурсе загадак “Наш дом”, адказвалі на пытанні віктарыны “Беражлівасць – вось лепшае багацце”.