28 лістапада ў Лідскай раённай бібліятэцы імя Янкі Купалы адбыўся раённы грамадскі форум “SOS. Заставайся на лініі жыцця”, прымеркаваны да Сусветнага дня прафілактыкі СНІДу.
Сярод запрошаных гасцей форуму – урач-эпідэміёлаг ДУ “Лідскі занальны цэнтр гігіены і эпідэміялогіі” Дуброва Наталля Іванаўна, а таксама оперупаўнаважаны падраздзялення па наркакантролі і супрацьдзеянні гандлю людзьмі Лідскага РАУС Юртаеў Арцём Барысавіч. Урач-эпідэміёлаг Дуброва Н.І. падрабязна асвятліла пытанне на тэму “Сусветная прафілактыка ВІЧ-інфекцыі”. Удзельнікі мерапрыемства выслухалі прэзентацыйнае выступленне аб праблемах ВІЧ/СНІД, асаблівасцях распаўсюджвання ВІЧ-інфекцыі ў Беларусі, шляхах ВІЧ-інфіцыравання, аб ўзбуджальніках СНІДу, аб клінічных праявах і мерах абароны.
Бібліятэкары звярнулі ўвагу на той факт, што кожны чалавек нясе асабістую адказнасць за абарону ад заражэння як самога сябе, так і іншых. Толькі веды і самакантроль змогуць абараніць ад невылечнага захворвання СНІД.
Мерапрыемства суправаджалася відэаматэрыяламі, дакументальнымі фільмамі пра гісторыю ўзнікнення ВІЧ-інфекцыі і СНІД, цяперашнім стане гэтага захворвання ў свеце і Рэспубліцы Беларусь у прыватнасці.